usey main ne hi likkha tha
k lehjey berf hojayen
to phir pighlaa nahin kerte

parinde derr k urr jayen
to phir lota nahin kerte

usey main hi likha tha
k yaqeen utth jaye
to shayed kabhi waapis nahin aata

hawaaon ka koi toofan
kabhi baarish nahin laata

jo sheesha toot jaye
to phir kabhi jurr nahin pata

usey kehna
wo be maani adhoora khat
usey main ne hi likkha tha
usey kehna
k
deewane mukammal khat nahin likhtey....!!

samunder mein utarta hoon to

samunder mein utarta hoon to...aankhein bhiig jaati hain
teri aankhoon ko parhta hoon to...aankhein bhiig jaati hain

tumhara naam likhne ki ijaazat chinn gaii jab se
koii bi lafz likhta hoon to...aankhein bhiig jaati hain

teri yaadoon ki khushboo khirkioon mein raqs karti hai
tere gham mein sulagta hoon to...aankhein bhiig jaati hain

main hans ke jheel leta hoon judaii ki sabhi rasmein
gale jab uske lagta hoon to...aankhein bhiig jaati hain

na jaane ho giya hoon is qadar hassaas kab se
kisi se baat karta hoon to...aankhein bhiig jaati hain

woh sab guzre hue lamhaat mujh ko yaad aate hain
tumhain yad kerta hoon to...aankhein bhiig jaati hain

main saraa din bohat masroof rehta hoon magar yoonhi
qadm chokhat par rakhta hoon to...aankhein bhiig jaati hain

har ik muflis ke maathe par alam ki daastaanein hain
koii bi chehraa parhta hoon to...aankhein bhiig jaati hain

barhe logoo ke oonche badnumaa aur sard mahaloo ko
gariib ki aankhoon se taktaa hoon to...aankhein bhiig jaati hain

tere koochay se mera talluk ab waajbi saa hai
magar jab bi guzarta hoon to...aankhein bhiig jaati hain

hazaroo mausmoo ki huqmraani hai mere dil par
"wasi" main jab bi hanstaa hoon to...aankhein bhiig jaati hain

soachta hoon sub batain fazool likhh doon

soachta hoon sub batain fazool likhh doon
ussey apne dil ki main bhhool likhh doon

log dhhoke pe dhhoka na khaate rahain
kuchh mohabbat k shaid asool likhh doon

ab kisi ki bhi dil ko tamanna nahian
kabhi shaid nashey main qabool likhh doon

wo itna haseen nahain kehta hey dil
ussey uss ki nazroon ki dhhool likhh doon

yoon sitam NASIR na rawa rakhhain gay
jo kabhi apne dil k arz o toool likhh doon

kabhi hota hun udaas

kabhi hota hun udaas tu yaad atey ho tum
kabhi hota hun buhat khush tu yaad atey ho tum
aghoosh mein zameen k soo jaonga ek din
jub sochta hun yeh baatein tu yaad atey ho tum
hamein acha nahi lagta koi humnaam tera
samne koi aye humnaan tu yaad atey ho tum
jin rahoon se guzre thy ham dono kabhii
ab guzarta hun tanha tu yaad atey ho tum
har achi buri baat samjhaya kartey thy mujhe
ab khata hun thokar tu yaad atey ho tum ....